Police Regional Office 6, nag-apelar sa publiko nga mangin alerto kag magbulig bantay kun may makaduluda nga tawo sa ila barangay

Iloilo City –Nag-apelar ang Police Regional Office 6 sa publiko nga mag-alerto kag magreport gilayon sa pinakamalapit nga police station kon may makita nga makaduluda nga mga tawo sa ila barangay. Nagahingyo si PRO 6 Spokesperson Supt. Gilbert Gorero sang bulig sang publiko agud madali mga makahimo sang aksyon kon kinahanglan. Padayon man suno kay Gorero ang ila pag-coordinate sa iban nga intelligence units agud masustiner ang kalinong kag katawhay sa Western Visayas kag masiguro nga indi maglaton sa rehiyon ang terrorism activities halin sa Mindanao.   Nakafull-alert na ang PRO 6 suno kay Gorero matapos gindeklarar ni Presidente Rodrigo Duterte ang Martial Law sa Mindanao bangud sa pagsalakay sang Maute group sa Marawi City. (JoMaque)