ArchivesLokal

Ilonggo nga pari nga bihag sang Maute Group sa Marawi City, ginpahayag nga nahilway na apang pamilya wala pa sang kumpirmasyon sa amo nga balita

Iloilo — Nagalaum ang pamilya sang ilonggo nga pari nga bihag sang Maute Group sa Marawi City nga wala pa nakahalin sa syudad ang grupo nga nag-hostage sa iya. May impormasyon nga nabaton si Boyet Suganob, utod ni Father Teresito “Chito” Suganob, nga nahilway na ang pari apang wala pa ini sang kumpirmasyon. Nagapati siya nga maguwa gilayon sa media ang balita sa tion nga may ginhilway nga bihag. Wala man suno sa iya nakapakig-angut si Father Suganob sa ila sa Norala, South Cotabato. Tumandok sang Lambunao ang pamilya ni Father Suganob kag katapusan siya nga nakapauli sa Iloilo sang nagligad nga tuig. Si Father Suganob ang isa sa mga ginbihag sang ginsulod sang Maute Group ang St. Mary’s Cathedral sa pagsugod sang krisis sa Marawi City. (JoMaque)

Leave a Reply