ArchivesLokal

Lalaki sa Anilao, nakoryente patay!

Anilao, Iloilo — Grounded ang kable ukon naigo sang kilat.  Ini ang ginasunod nga mga anggulo sang Anilao Police sa pagkakuryente-patay sang 55-anyos nga lalaki sa Sitio Agbatasan,Barangay Guipis sa nasambit nga banwa sang Sabado.

Suno kay Police Senior Inspector Ronald Paclibar, hepe sang Anilao Police Station, ginkay-o ni Romie Devera, residente sang nasambit nga lugar ang antenna sang iya TV sang nagluntad insidente. Posible nauyatan ni Devera ang kable nga may gisi suno kay Paclibar nga halin sa main line pakadto sa iya balay rasun nga nakuryente ilabi nga nag-ulan-ulan sang Sabado sang gab-i sa lugar. Dugang niya, may posibilidad man nga naigo sang kilat ang antenna samtang ginakay-o ni Devera. Nasapwan kahapon sang aga ang bangkay ni Devera nga may pasu sa wala nga palad, wala nga butkon, leog kag talinga. (JoMaque)

Leave a Reply