Councilor Reyland Hervias, plano magpasar sang resolution para sa pagpa-drug test sang tanan nga barangay officials sa syudad

Iloilo City –Nagaplano si Liga President kag ex-officio Councilor Reyland Hervias nga magpasar sang resolution nga nagahinyo sa mga barangay officials nga magpa drug test. Apang suno kay Hervias konsultahon niya anay ang Department of Interior and Local Government sa iya plano.  Wala man sang poder ang Liga nga himuon mandatory ang drug testing sang mga barangay official.

Ginpahayag niya nga obligasyon man nila nga mga opisyales bangud may pondo man ang barangay sa pagpa-drug test halin sa Barangay Anti-Drug Abuse Council ukon BADAC. Dugang pa niya, isa ini sa mga pamaagi agud makumbinsi ang ila mga pumuluyo nga magpadrug test kag mangin drug-cleared ang ila barangay. (JoMaque)