ArchivesLokal

Kura Paruko sang Guimbal Parish, gin-petitionan nga pahalinon!

Guimbal, Iloilo–Ginabanta apat ka libo ka mga residente sa 33 ka barangay ang nagpirma sa petition letter para mapahalin ang kura paroko sang St. Nicholas of Tolentino Parish nga si Reverend Father Abelardo Sobredo.

Lakip sa 36 tanan ka reklamo kay Father Sobredo ang tatlo ka beses sini nga pagbiya sa parokya sang masobra isa ka bulan agud magbakasyon sa US; haluson mag-upod sa pilgrimage sa kabarangayan; laban pa ang pangakig sa misa sa barangay kag nagahambal nga wala sang may makasaway sa iya pagpangakig bisan pa ang Arsobispo sa Jaro; ginpahayag pagtawag sini nga mango, manol kag buki ang mga miembro sang Parish Apostolic Council kag nagapanigarilyo kun nagameeting.

Nabutang man sa petition letter nga ginabinghalan man sini kag gina-akigan ang nagakumpisar kun atrasado ang paghambal nga nagahatag sa ila sang kakulba; nagapangakig kun may nagahibi nga bata kag ginahambalan man niya ang mga sumilimba nga indi pagdal-un sa simbahan ang mga bata kay nagatublag sa iya pagmisa.

Ginpalab-ot na sang mga Guimbalanaon sa Jaro Archdiocese ang ila mga reklamo kag nagalaum nga ma-aksyunan gilayon. (AGB)

Leave a Reply