(Update) Mandurriao police, wala pa sang identity sa nagapanag-iya sang tatlo ka granada nga nasapwan sa Bakhaw
Iloilo City— Wala pa nakilala ang nagapanag-iya sang tatlo ka hand grenade kag weighing scale nga nasapwan nga nasulod sa bag sa Bakhaw, Mandurriao sang nagligad nga semana.
Gin-athag ni Police Regional Office 6 Spokesman PSUPT Gilbert Gorero nga wala sila sang ginmitlang nga pangalan kon sin-o ang nagapanag-iya bangud wala sang tatak ang mga granada. Padayon suno kay Gorero ang imbestigasyon nila agud matumod kon sin-o ang nagbilin sang bag.
Ginpahayag sang Mandurriao police nga wala sang labot ang terorismo sa nasapwan. Isa sa mga anggulo suno kay Gorero nga ginapanag-iyahan sang drug personality ang mga granada kag weighing scale. (AGB)