Hypertension, nagapanguna nga kawsa sang kamatayon sa syudad
Iloilo City — Nagapanguna na nga kawsa sang kamatayon sa syudad ang hypertension. Base ini sa pagtuon kag survey suno kay City Health Officer Bernard Caspe. Suno kay Dr. Caspe, hypertension na ang nagapanguna nga rason sang kamatayon sa nakaligad nga lima ka tuig.
Gintumod ni Caspe nga rason ang lifestyle, kulang nga physical activities pareho sang pag-exercise kag mga bisyo pareho sang pagpanigarilyo. Madamo suno kay Caspe ang pirme nagakaun sa fast food chains bangud sa posible kasakuon kag factor man ang stress sa trabaho.
Ginlaygayan ni caspe ang mga hypertensive nga indi pagkalimtan ang pag-inom sang bulong, dapat may regular exercise kag diet agud makalikaw sa kumplikasyon kag untatan ang pagpanigarilyo. (JoMaque)