PRO 6, nagpanugyan sa publiko nga indi magpalapta sang mga sala nga impormasyon nga makatuga sang panic sa mga pumuluyo

Iloilo City — Nagpanugyan ang Police Regional Office 6 sa publiko nga indi magpalapta sang sala nga impormasyon nga makatuga sang panic sa mga pumuluyo sa Western Visayas. Ang panugyan ginpaguwa ni Regional Public Information Officer Supt. Gilbert Gorero matapos may nagpalapta sang mga sala nga impormasyon may kaangtanan sa nagapadayon nga engkuwentro sa Marawi City. Indi luyag sang PRO 6, suno kay Gorero nga maga-expand sa Visayas ang Martial Law kabangdanan nga nagapangayo sang suporta ang mga pulis kag suldado sa mga pumuluyo nga magbulig bantay. Nagapanindugan ang PRO 6 nga wala sang nabaton nga pagpamahog sang terorista sa Rehiyon 6. (JoMaque)