Video sang Ilonggo nga pari nga ginbihag sang Maute Group sa Marawi City, naglapta sa social media

Mindanao — Nagapangayo sang bulig ang pari nga ilonggo nga ginbihag sang Maute Terror Group kay Presidente Rodrigo Duterte.

Sa naglapta nga video sa social media site nga Facebook ni Father Chito Suganob, nagahingyo ini kay Duterte nga untatan na ang airstrike sa Marawi City; i-withdraw ang government troops kag untatan na ang opensiba sa syudad. Si Father Suganob nga assign sa Mindanao State University ang ginbihag sang Maute group nga nag-atake sa Marawi City sang nagligad nga semana. Tumandok sang Lambunao ang ginikanan ni Father Suganob.

Una na ginkonfirmar sang Catholic Bishops Conference of the Philippines nga ginsulod sang terror group ang St. Mary’s Cathedral kag ginbihag si Father Suganob upod sa iban pa sa pagsugod sang krisis sa Marawi City nga nangin rason sang pagdeklarar sang pangulo sang martial law sa mindanao sang nagligad nga semana. (JoMaque)