‘Rambol sa Baldoza LaPaz’
Iloilo City — Apat ang pilason sa rambol sa kapiestahan sang baldoza lapaz kagab-i. May pilas sang pagkabuno ang mag-amay nga Antonio Caldo, 53, kag Genesis Caldo, 28. May pilas si Antonio sa ilong samtang sa tuo nga ilok ang pilas ni Genesis. Nasamaran man sa agtang si Jay-r Tabia kag ang iya upod nga si mat-mat nava, may pilas sang pagkabuno sa kamot kag leog. Pa-athag ni Tabia, naga-inom sila sang iya grupo sang nag-abot si Genesis upod kay alyas Catoc. Ginpahayag sini nga ginsumbag siya ni Catoc sa agtang gani natabu ang rambol nga natapos sa bun-anay. Wala nakahibalo si Tabia kon sin-o ang nagpangbuno. Padayon nga ginabulong sa ospital ang mga pilason. (JoMaque)