Trisikad driver sa Barotac Viejo, patay sang ginpulihan buno samtang nagakatulog

Barotac Viejo, Iloilo–Patay ang trisikad driver sang ginpulihan buno sang duha ka tricycle drivers.

Gindala pa sa ospital si Richard Juanico, 34-anyos sang Sitio Toll House, Brgy. San Lucas, Barotac Viejo, apang napatay bangud sang mga pilas sa wala nga parte sang dughan. Suno kay PCINSP Elmer Magbanua, hepe sang Barotac Viejo Police Station, nagakatulog sa parkingan ang biktima sang ginsulong sang duha ka suspetsado kag ginpulihan sang buno.

Positibo nga ginkilala sang witness ang mga suspetsado nga sanday Jovelino Tedios, 37-anyos sang San Rafael, kag Ronel Rubrico, 30 sang Poblacion, Barotac Nuevo.

Ginpahayag may hiligut-anon ang biktima kag mga suspetsado. (AGB)