Ginabanta anum ka libo ka PUJs, maupod sa untat biyahe–ICLAJODA

Iloilo City–Ginabanta anum ka libo ka depasahero nga jeep sa syudad kag probinsya ang maupod sa transport strike sa Hunyo 5 kag 6.

Suno kay Iloilo City Loop Alliance of Jeepney Owners and Drivers Association ukon ICLAJODA President Boyet Parcon, nagpasalig nga maupod sa untat biyahe ang tanan nila nga mga miembro, Iloilo City Alliance of Drivers Association ukon ICADA, Iloilo City Alliance of Jeepney Operators and Drivers Association ukon ICAJODA kag Confederation of Provincial Owners and Drivers Association ukon CIPJODA.

Dugang niya, suportado man sang Pinagkaisang Samahan ng mga Tsuper at Operators Nationwide ukon Piston-Panay ang kawsa.

Nagpabutyag naman suno sa iya ang Association of Taxi Operators in Panay ukon ATOP sang pagsimpatiya nila sa kawsa sang mga transport groups apang mabyahe sila sa Hunyo 5 kag 6. (AGB)