Mga police sa 14 ka kabanwahanan sa probinsiya, naka-alerto sa posible sa pagpang-atake sang NPA!

Iloilo — Naka-alerto  ang mga police station sa 14 ka mga kabanwahanan sa posible nga pagpang-atake sang mga rebelde nga grupo. Suno kay Chief Inspector Aron Palomo, spokesperson sang Iloilo Police Provincial Office ukoln IPPO, gin-alerto ang mga police station sa mga  kabanwahnaan nga yara sa boundary sang Antique, Aklan kag Capiz. Lakip sa mga gin-alerto sang IPPO ang  mga police station sa Miag-ao; San joaquin; Tubungan; Igbaras; Alimodian; Leon; Maasin; Lambunao; Janiuay; Calinog; Bingawan; San Enrique; Lemery ; San Rafael lakip na ang syudad sang Passi. Nagpangayo na sang bulig ang IPPO sa Philippine Army  kag Regional Public Safety Battalion agod ponggan ang kalakasan nga posible himoon sang mga rebelde nga grupo. Nagsapol sang damlag lang ang mga City kag Provincial Director  pagkatapos nabaton ang inpormasyon nga ginmandu sang mataas nga pamobno-an sang Communist Party of the Philippines ukon CPP sa mga NPA guerilla ang pagpanalakay sa mga police station. (NemesioMartirez)