17-anyos nga babaye, nagbitay patay!

Iloilo City–Nasapwan nga nagabitay sa puno sang Indian mango ang 17-anyos nga dalagita sa Lapaz.

Suno kay PO2 Edna Magbanua sang Lapaz Police Station-Women and Children Protection Desk, nadula si alyas Inday sang Biernes. Sa imbestigasyon sang Lapaz police,  ginpahayag nga ginbakol si Inday sang iya iloy bangud wala sini ginpati ang sugo nga ipa-enroll ang manghod sa elementarya.

Nagsunggod si Inday matapos gin-akigan sang iya iloy. Gin-ako sang iya amay nga may nabatian siya nga gahud kahapon sang kaagahon pero wala niya ginsapak.

Nasapwan ang lawas ni Inday nga nagabitay sa kahoy nga ginabanta 20 ka tapak ang kataasun. (AGB)