Mga transport groups sa syudad, indi na mag-isol sa duha ka adlaw nga untat biyahe

Iloilo City — Indi na mag-isol ang mga transport groups sa untat biyahe buwas kag sa Martes. Suno kay Iloilo City Loop Alliance of Jeepney Owners and Drivers Association ukon ICLAJODA President Boyet Parcon, dayon na gid ang ila transport strike bangud wala man nagpakig-angut sa ila ang LTFRB. Ginsulit ni Parcon nga kawsa sang mga operators kag drivers ang ila ginapakigbato. Ginapamatukan sang transport groups ang modernization program sang LTFRB nga nagatuyo nga dulaon sa dalanon ang depasahero nga mga jeep nga 15 anyos pasaka ang edad.  May nag-ayo suno kay parcon nga mga drivers nga mabiyahe tubtob alas-7 buwas sa aga. (JoMaque)