45 billion pesos nga reclamation project, tukuron sa Iloilo City

Iloilo City–45 bilyones pesos nga balor sang reclamation project ang tukuron sa Calumpang-San Juan, Molo sa 2019.

Ginaduso ang Reclamation Project nga magahimo sang duha ka isla sa Iloilo Strait halin sa Calumpang tubtob sa San Juan. Magalapad sang 365 hectares ang proyekto nga ginabug-usan sang 114 ka ektarya sa Island A kag 250 ka ektarya sa Island B. Ang duha ka isla ang may kalayuon nga 40 ka metros kag igakonekta sang duha ka taytay.

40 ka metro man ang kalayuon sang duha ka isla sa mainland. Ginpasiguro ni Marikudo Real Estate Development Corporation President Ronnie Baterna nga wala sang residente sa coastline ang mapahalin kon tukuron na ang proyekto. (AGB)