Day 1 sang transport strike sa Iloilo
Iloilo–100% nga wala nagbiyahe ang mga miembro sang Iloilo City Loop Alliance of Jeepney Owners and Drivers Association ukon ICLAJODA sa una nga adlaw sang transport strike subong nga adlaw.
Sa assessment ni ICLAJODA President Boyet Parcon, masobra 90 porsyento nga naparalisa nila ang mga biyahe sa syudad. Gin-athag naman ni Parcon nga wala sila nagapang-harass sa mga nagbiyahe pero ginsulit niya katuyuan sang ila untat biyahe ang pagpalab-ut sa national government sang ila pagpamatuk sa modernization program sang LTFRB ukon ang pagdula sang depasahero nga mga salakyan nga masobra 15-anyos pasaka ang edad.
Nag-upod man sa untat biyahe ang mga miembro sang Confederation of Provincial Jeepney Owners and Drivers Association ukon CIPJODA. Suno kay CIPJODA President Ruju Paguntalan, 100% man nga wala nagbiyahe ang mga provincial jeepneys. (AGB)