January 27, 2022

‘Ma-videoke si mayor’

Read Time:1 Minute, 3 Second

(UPDATE)–Nagpamilit nga magvideoke upod sa grupo sang lesbian, gay, bisexual and transgender ukon LGBT si Janiuay Mayor Jojo de Paula antes siya gintudlo nga nagpalupok sang pusil sa Villa Teresita Inland Resort sa Tubang, Maasin sang Sabado sang gab-i.

Sa imbestigasyon sang Maasin Police Station sa pagpanguna ni PSINSP Rey Cordero, arkilado sang LGBT group ang pavillion nga may videokihan. Wala nagpasugot ang grupo nga magsulod ang naka-inom nga si Mayor de Paula pero na-ulu-uluhan siya sang iya mga kaupod nga maglakat. Ginpahayag nga sang papuli ang alkalde, nagabot siya sang pusil pero natumba samtang nagapasulod sa salakyan gani naglupok. Nadaplisan sa tiyan si Donald Robles, 20-anyos sang Naslo, Maasin, nga luwas naman sa katalagman.

Natabuan nga malapit sa area si Barangay Kagawad George Sumalde kag mga barangay tanod gani ila ginrespondehan. Nagaguwa sa police investigation nga nagpalupok liwat si Mayor de Paula samtang ginatinguhaan sang kagawad kag mga tanod nga maagaw ang iya pusil.

Nagapabilin nga naka-hospital arrest si de Paula bangud nga may mga pilas man sa lawas. Kaso nga attempted homicide kag illegal possession of firearm ang ginfile kay Mayor de Paula bangud nga indi sa iya nakapangalan ang 9mm nga pusil nga nakuha sang mga tanod. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 45 billion pesos nga reclamation project, tukuron sa Iloilo City
Next post Day 1 sang transport strike sa Iloilo