Una nga adlaw sang untat biyahe sa Western Visayas, nangin malinong -ICALJODA

Iloilo City — (UPDATE)  Malinong ang una nga adlaw sang transport strike kahapon suno kay iloilo city loop alliance of jeepney owners and drivers association ukon ICLAJODA president Boyet Parcon.  Wala sang ginreport nga mga nagpangharass ukon nagpanggamo sa ila grupo suno kay parcon. Sa assessment sang grupo, 97 porsyento nga naparalisar ang biyahe sang depasahero nga mga jeep; 95 porsyento sang Aklan kag Roxas City kag 100% sa Antique kag Guimaras. Gin-athag ni Parcon nga indi nila miembro ang pila ka units nga nagbiyahe kahapon.

Magluwas sa ICLAJODA, nag-upod man sa strike ang Iloilo City Alliance of Drivers Association ukon ICADA, Iloilo City Alliance of Jeepney Operators and Drivers Association ukon ICAJODA kag Confederation of Provincial Jeepney Owners and Drivers Association ukon CIPJODA.  Nagsuporta man ang Pinagkaisang Samahan ng mga Tsuper at Operators Nationwide ukon Piston-Panay kag iban pa nga progresibo nga grupo.

Katuyuan sang untat biyahe nga mapalab-ut sa national government ang pagpamatuk sang transport groups sa modernization program sang LTFRB. (JoMaque)