6 ka tuig nga bata nga babaye, nagreklamo nga ginhimuslan sang construction worker sa Molo!

Iloilo City — Nagreklamo nga gin-rape ang anum ka tuig nga bata nga babaye sa Molo kahapon. Pero nanginwala ang construction worker nga si alyas Gaga, 29 anyos, sa akusasyon. Suno kay Gaga, nagakatulog siya sang nag-abot ang mga barangay officials kag gindakup siya.    Gin-ako sang suspek nga nakita niya mga ala-1 kahapon sang hapon ang bata nga nagahampang sa atubang sang ila balay samtang naga-inom-inom siya upod kay alyas nonoy kag ginsugo niya ang bata nga magbakal sang ice. Apang indi matuod suno sa iya nga gintandog niya ang bata. Ginpa-idalum na sa medical checkup ang bata samtang padayon nga gina-imbestigaran sang Women and Children Protection Desk sang Molo Police Station ang kaso. (JoMaque)