CCTV cameras sa mga motels, mangin ‘DEATH OF MOTEL INDUSTRY’ — Councilor Ed Peñaredondo
Iloilo City — Nagapati si Councilor Ed Peñaredondo nga malugi ang mga motels sa syudad kun butangan sang CCTV cameras. Ini kasunod sa pahayag ni Councilor Jeffrey Ganzon paagi sa iya privilege speech nga dapat na nga ipasar ang ammendment sa CCTV Ordinance agud malakip ang mga motels kag lodging houses.
Suno kay Peñaredondo, ginadudahan niya ang constitutionality sang pag-implementar sang ginaduso nga amendment sa ordinansa bangud magalapas sa right of privacy sang mga customers. Ini ang mangin rason sang “death of motel industry” kun istrikto nga i-implementar ang ordinansa. Dugang pa niya, dapat mangin fair man sila sa mga negosyante.
Ginpa-athag naman ni Councilor Ely Estante kay Peñaredondo nga indi ini invasion of privacy bangud ibutang ang mga cameras sa entrance kag exit sang motels.(JoMaque)