ArchivesLokal

Coast Guard Stations, naka-alerto!

Iloilo City–Ginkumpirmar ni Philippine Coast Guard Iloilo Station Commander Ramil Palabrica ang naglapta nga memorandum halin sa 904th Maritime Police Station angut sa pito ka private vehicles nga ginapatihan may karga nga improvised explosive device ukon IED.

Suno kay Palabrica, napahibalo na ang tanan nga coast guard stations sa pungsod sa mensahe kag hugot nga gina-monitor ang tanan nga RORO kag Port Terminals. Sa pagkamatuod suno kay Palabrica, ginapa-verify nila ang plate numbers sang gintumod nga mga salakyan agud ma-intercept kun makadungka sa mga puerto sa Iloilo.

Ginpahayag ni Palabrica nga gina-check sang Coast Guard ang mga nagadungka nga RORO vessels agud masiguro nga wala nakasakay ang pito ka mga salakyan. (AGB)

Leave a Reply