Mga Ilonggo OFWs sa Qatar, safe sa pihak sang diplomatic crisis sa Middle East

Iloilo City –Safe ang mga OFWs sa Qatar sa pihak sang diplomatic crisis sa Middle East matapos gin-utod sang Saudi Arabia, Egypt, Bahrain kag UAE ang relasyon sa pungsod.

Ginpasiguro ini ni Ruby Gallo Sardia sang pototan kag nagatrabaho sa Doha, Qatar. Suno kay Sardia, normal ang sitwasyon sa ila area magluwas lang sa iya na-obserbahan nga may pagmahal sang mga balaklon.

Luyag ipabalo ni Sardia sa pamilya sang mga OFWs nga wala sang kamatuoran ang mga reports sa social media nga nagapanic na ang mga tawo sa Qatar.

Nagapangayo naman si Sardia sang pangamuyo agud masolbar kon anuman ang problema sa Middle East. (JoMaque)