January 18, 2022

NAPOLCOM 6, nagsugod na imbestigar sa reklamo sang 32-anyos nga balo batuk sa pulis nga ginpahayag nagpa-oral sex sa iya

Read Time:1 Minute, 53 Second

Iloilo City — (UPDATE) Ginsuguran na sang national police commission ukon NAPOLCOM 6 ang imbestigasyon sa reklamo sang 32 anyos nga balo batuk sa pulis sa Jaro.

Ginkadtuan sa ila balay kag gin-istorya nanday NAPOLCOM 6 investigators Felix Leo Loriega, Chief sang Regional Investigation, kag Charity Alipat, pre-charge investigator, si alyas Inday kahapon. Himuan sang duha sang rekomendasyon nga ipasa kay NAPOLCOM 6 Director Marty Palomar ang panaysayon ni Inday. Ginkadtuan man sanday Loriega kag Alipat si PO1 Marken canillo pero wala siya naabtan. Nagpasalig ang NAPOLCOM nga buligan si Inday kon desidido siya nga magpasaka sang kaso.

Ginsaysay ni Inday nga Hunyo 2 sang gab-i sang nasugata niya si Canillo sa footwalk sa Tabuc Suba,Jjaro sang pakadto siya sa namatyan. Suno kay Inday, nasal-an pa niya nga tupad-balay si Canillo kag ulihi na nakilala ang pulis. Ginpahayag nga naka-inom nga naghambal sa iya nga makadto sa ila balay kag bangud sa kakulba, nag-upod si Inday. Sang nag-abot sa balay, nangayo pa suno kay Inday ang pulis sang tubig antes siya gindala sa iya kwarto sa ibabaw, ginsiraduhan ang pwertahan kag ginpwersa siya nga i-oral sex. Gin-akusaran pa ni Inday si Canillo nga nagpamahug nga plantedan siya sang shabu ukon mapareho sa iya bana nga ginpatay kon indi pagsundon ang iya ginapahimo.

“No Comment”

Nagbalibad si PO1 Marken Canillo nga magpa-interview kag magsabat sa akusasyon sang 32 anyos nga balo sa Jaro nga ginpwersa niya mag-oral sex sa iya kag ginpahug nga plantedan sang shabu.  Ginkonfirmar lang ni Canillo nga nakaduty siya sang hunyo 2 sang gab-i kag may buy bust operation sa Tabuc Suba Jaro sa amo man nga tiun nga ginreklamo siya ni alyas Inday. Nagpasalig si Canillo nga masabat kon mafile na ang formal complaint batuk sa iya.

Una na ginkonfirmar ni Senior Inspector Shella Mae Sangrines, spokesperson sang Iloilo City Police Office, nga gindis-armahan na si Canillo kag ginsaylo halin sa iya daan nga assignment sa Jaro Police Station-Station Drug Enforcement Team kag Intelligence Section pakadto sa Iloilo City Public Safety Company.

Suno kay ICPO Director Remus Zacharias Canieso, ginrelieve niya si Canillo agud indi ma-impluwensyahan ang imbestigasyon sa reklamo batuk sa iya ni Inday. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) LTFRB, ma-isyu sang show cause order batuk sa mga transport groups nga nag-upod sa strike
Next post CCTV cameras sa mga motels, mangin ‘DEATH OF MOTEL INDUSTRY’ — Councilor Ed Peñaredondo