Opisyal sang LGBT-Maasin Chapter, nanginwala nga sila ang nagsapote kay Janiuay Mayor Jojo De Paula

Iloilo — Nanginwala si LGBT-Maasin chapter Vice President Junel Madera nga ginkastigo sang ila grupo si Janiuay Mayor Jojo De Paula matapos may natabu nga pagbinaisay sa Villa Teresita Inland Resort sa Tubang, Maasin sang Sabado sang gab-i.

Suno kay Madera, arkilado nila ang pavilion nga may videkoehan sang nagkadto si Mayor De Paula kag nagtuyo nga magkanta pero wala siya ginpasugtan. Gin-athag ni Madera nga wala nila una nakilala ang naka-inom nga si de paula nga nagpakilala pa nga miembro man siya sang LGBT. Na-ulu-uluhan ang Mayor pero nagpanita pa gid suno kay Madera sa mga tawo sa swimming pool.

Pasado alas-11 suno kay Madera sang may nabatian sila nga lupok sang pusil kag ginpabalo sila nga naigo sa tiyan ang ila bisita nga si Donald Robles Jr, 20 anyos sang Naslo Maasin. Nagdinalagan ang grupo ni Madera sang nabatian ang ikaduha nga paglupok.(JoMaque)