Skimming device, natukiban sa ATM booth sa City Proper!
Iloilo City — Natukiban sang grupo ni Raul Familiano, operation admin officer sang New Mabuhay International Security Agency, ang device sa ATM booth sa General Luna, City Proper subong nga gab-i. Naghulat pa ang grupo ni Familiano sang masobra 30 minutes agud madakpan kon may mag-operate pero wala sang nag-abot. First time ini suno kay Familiano nga nakarecover sila sa Iloilo. May una sila nga narecover sa Boracay. Gindala ang device sa Police Station 1 kag ipadala sa head office sang bangko agud mabal-an ang nakopya nga impormasyon sang chip. (JoMaque)