BSP-Iloilo, wala pa nakabaton sang reklamo sa mga depositor sang BPI kasunod sang ginpahayag Internal Data Processing Error sa system sang bangko
Iloilo City — Wala pa sang depositor sang BPI nga nagreklamo sa Bangko Sentral ng Pilipinas kasunod sang ginreport nga internal data processing error nga nagresulta sa pagdoble sang mga transaksyon sang kada account.
Pero ginpanugyanan ni BSP Iloilo Deputy Director Joanne Marie Castelo ang mga depositors sang BPI nga iverify ang ila account agud mabal-an kon may nagbuhin ukon may nagdugang nga kantidad. Magacoordinate si Castelo sa ila central office agud magpangayo sang paathag kon ano ang natabu.
Napuhag ang mga depositors sang BPI matapos nabalahuba ang problema kahapon. Nagpromisa naman ang BPI nga kay-uhon ang ila sistema. (JoMaque)