Masobra 100, nadakpan nga naglapas sa Speed Limit Ordinance
Iloilo City–Naglab-ut sa 198 ka mga motorista ang nadakpan sang Transportation Management and Traffic Regulation Office nga naglapas sa Speed Limit Ordinance sa Diversion Road Hunyo 1 tubtob 6.
Base sa Regulation Ordinance 2015-283, 60km/hour ang maximum speed limit sang mga passenger automobiles kag motorcycles halin sa corner sang General Luna Street tubtob sa Ungka, Jaro. Para sa mga trucks kag buses, ang maximum speed limit gintalana sa 50 km/h.
Suno kay TMTRO Head Bob Foerster, 85 porsyento sa ila mga nadakpan ang nagamaneho sang pribado nga salakyan kag motorsiklo. Kalabanan sa nadakpan ang nagrason nga wala nakita ang signage sang TMTRO sa gintalana nga speed limit. (AGB)