‘Nagbunga gid man’

Iloilo City–Ginkalipay ni Councilor Joshua Alim nga nagbunga ang reklamo nga ginpalab-ut niya kay Energy Secretary Alfonso Cusi sa ginpahayag iregularidad sa Panay Electric Company ukon PECO.

Suno kay Alim, ginpadal-an sang Department of Energy ang PECO kag Energy Regulatory Commission sang kopya sang reklamo kag resolution nga ginsumiter niya kay Secretary Cusi kag ginmanduan nga hatagan sang aksyon. Nagbunga gid man suno sa konsehal ang mga pagtinguha niya kag sa mga nagasuporta sa iya agud ma-aksyonan ang mga reklamo batuk sa PECO.

Nagpasalig si Alim nga i-follow-up ang reklamo. Nangin kontrobersiyal ang PECO bangud sa reklamo sang mga konsumedor nga over billing kag indi ensakto nga reading sang metrohan. (AGB)