Subject sa buy bust operation sa City Proper, nakapalagyo

Iloilo City–Nakapalagyo ang subject sa buy bust operation sa City Proper kaina sang hapon.

Base sa passport nga nakita sa Toyota Wigo nga ginbilin sa gasolinahan sa dalan Mabini-Ledesma, City Proper, ginkilala ang subject kay Joseph Jasper Duran sang Divinagracia, Lapaz. Pero suno kay PCINSP Aldren Lamera, hepe sang Police Station 1, ginadala nga pangalan ni Duran ang Jovit Prevendido.

Naka-transaksyon ang operatiba kay Duran sa Tanza pero namutikan sang iya kaupod nga babaye nga pulis ang ila katransaksyon gani nagpalagyo ang duha. Ginpalukpan sang mga pulis ang salakyan apang nakapalagyo gihapon bisan flat ang tatlo ka goma. Suno sa mga testigo, nagsakay sa taxi ang duha pag-abot sa dalan Mabini-Ledesma.

Nakarecover sang mga sachets sang suspected shabu sa sulod sang salakyan. Padayon naman ang pagpangita sang mga pulis kay Duran kag sa iya kaupod. (AGB)