Tatlo arestado sa separado nga drug buybust operation sa City Proper
Iloilo City — Tatlo ang nadakpan sa separado nga buy bust operation sang Regional Drug Enforcement Team sa City Proper kagab-i.
Una nga nadakpan sa Barangay Hipodromo si Edison Locsin, 39 sang Boulevard Molo, kag iya kaupod nga si Jovenal Yabot Jr, 39 sang Calumpang Molo. Narecover sa duha ang 65 ka sachets sang suspected shabu, 2 mil 200 pesos nga marked money, 800 pesos nga ginapatihan kita sa pagbaligya sang illegal drugs, cellphone kag duha ka 38 caliber revolver
Suno nga nadakpan sa Barangay Danao si Charlone Bonifacio, 38 sang Pototan kag discharged nga soldado. Nakuha kay Bonifacio ang isa ka bulto sang suspected shabu, 18 mil pesos nga buy bust money kag cellphone. Ginpahayag sang mga operatives nga nacontact nila si Bonifacio matapos ginpakig-angutan gamit ang cellphone nga nakuha kay Locsin.
Lunsay naman ginpanginwala sang mga nadakpan nga nagabaligya sila sang illegal drugs. (JoMaque)