ArchivesLokal

(UPDATE) ICPO Director, nagmandu sang separado nga imbestigasyon sa reklamo nga sexual abuse batuk sa PO1

Iloilo City–Ginmanduan ni Iloilo City Police Office Director PSSUPT Remus Zacharias Canieso nga mag-conduct sang separado nga imbestigasyon ang Women and Children Protection Desk angut sa reklamo nga sexual abuse batuk kay PO1 Marken Canillo.

Luyag ni Canieso nga ang WCPD-ICPO ang mag-imbestigar agud matumod ang administrative liability ni Canillo. Nagahingyo man si Canieso sa pamilya sang 32-anyos nga balo nga magkooperar sa imbestigasyon agud mahibaluan kun sin-o ang nagasugid sang matuod kag mapreparar ang report sa kaso ni PO1 Canillo.

Nagkadtu kahapon sa balay sang tagreklamo ang imbestigador sang ICPO agud magkuha kuntani sang statement apang nagbalibad nga naga-istorya pa sila sa abogado angut sa i-file nga kaso batuk sa pulis.

Gindis-armahan Canillo kag ginrelieve sa Jaro Police Station agud indi maka-impluwensya sa imbestigasyon. (AGB)

Leave a Reply