BSP-Iloilo, ma-imbestigar sa internal data error sa sistema sang BPI
Iloilo City–Imbestigaran sang Bangko Sentral ng Pilipinas-Iloilo ang internal data error sa sistema sang Bank of the Philippine Islands ukon BPI agud matumod ang rason sang computer glitch.
Suno kay BSP-Iloilo Deputy Director Joanne Marie Castelo, bisan nasolusyunan na sang BPI ang problema, luyag nila mahibaluan ang ginhalinan sang data error. Wala man suno sa iya sang may nagpanic nga depositors sang nagtuhaw ang problema kag wala man sang may nagreklamo sa BSP-Iloilo.
Una dire, ginsuspender sang BPI ang access sa electronic channels bangud sang problema nga nagresulta sang debits kag credits sa accounts sang mga kliyente sang bangko bangud sang internal data error. (AGB)