Empleyada sang PENRO, nabungguan sa City Proper

Iloilo City–Kritikal sa ospital ang empleyada sang Provincial Environment and Natural Resources Office ukon PENRO matapos nabungguan sa Parola area kaina sang hapon.

May pilas sa ulo si Fe Dañas, 51-anyos sang Florville Subdivision, Buray, Oton kag padayon nga ginabulong sa Iloilo St. Paul’s Hospital.

Suno sa driver sang Starex nga si Renchie Balinas, 26 sang Oton, wala niya natalupangdan ang biktima samtang nagatabok. (AGB)