ArchivesLokal

(Update) Kaso nga rape by sexual assault, ginpasaka na batuk kay PO1 Marken Canillo

Iloilo City–Gin-endorso na sang 32-anyos nga balo sa City Prosecutor’s Office ang ginfile niya nga kaso nga rape by sexual assault batuk kay PO1 Marken Canillo. Ginbuligan si alyas Inday sa pagfile sang kaso sang Integrated Bar of the Philippines-Iloilo Chapter sa pagpamuno ni IBP President Atty. Leo Sombiro kag mga miembro nga sanday Atty. Mai Liao kag Atty. Mary Christine Salome Florete sang Sombiro Law Office. Nasaysay ang judicial affidavit ni Inday gamit ang Hiligaynon. Ginpahayag ni Inday nga indi na siya mag-isol kag padayunon gid ang kaso batuk kay Canillo. Hunyo 2 sang gab-i suno kay Inday sang nagsugat-anay sila ni Canillo sa footwalk sang barangay kag ginhambalan siya nga mabalik sa ila balay. Bangud sa kakulba suno sa tagreklamo, nagsunod siya kag sang nag-abot sa ila balay, gindala siya sang pulis sa iya kwarto. Dugang ni Inday, ginpuwersa siya ni Canillo nga mag-oral sex sa iya kag ginpahug pa nga ‘plantedan’ sang shabu kon indi siya pagsundon. Wala gihapon nakahatag sang iya bahin si PO1 Canillo pero nagpasalig ang pulis nga masabat siya sa akusasyon. (AGB)

Leave a Reply