ArchivesLokal

Lalaki patay sang gintiro sa guwa sang bulangan sa Leon!

Leon, Iloilo — Patay ang 54-anyos nga lalaki nga gintiro sa guwa sang bulangan sa Sitio Buntalan, Poblacion, Leon kahapon. Ginkilala ang biktima kay Joven Campo sang Buga Leon nga may pito ka pilas sa lawas. Suno kay Chief Inspector Cyril Octavio, hepe sang Leon Police Station, nakarecover sila sa crime scene sang 9 ka empty shells sang 45 caliber kag 4 ka slugs. Nakapalagyo ang duha ka suspek sakay sa motorsiklo sa nabukid nga parte sang banwa. Ginpahayag nga nagapakilala si Campo nga asset sang police kag nag-volunteer man sa drug symposiums nga maghambal kag nagapabalo nga nakaagi siya gamit sang illegal drugs pero wala nagsurrender sa Oplan Tokhang. Nadakpan man siya sa San Miguel nga nagapataya sa illegal gambling. Padayon ang imbestigasyon sang Leon police sa krimen. (JoMaque)

Leave a Reply