Kampanya kontra illegal drugs, corruption kag kriminalidad, liwat ginhatagan bug-at ni Mayor Jed Patrick Mabilog sa iya Independence Day message
Iloilo City–Liwat nga ginhatagan bug-at ni Mayor Jed Patrick Mabilog ang kampanya kontra illegal nga druga, kurapsyon kag kriminalidad sang Duterte Administration.
Sa mensahe ni Mabilog sa pagselebrar sang 119th Independence Day kaina sang aga sa Plaza Libertad, ginpabutyag ni Mabilog nga dapat gamiton ang kahilwayan sa pagsuporta sa local kag national nga pagpamuno. Ginhinyo ni Mabilog ang tanan nga maghugpong sa kampanya sang adminsitrasyon bangud magaresulta ini sang progreso.
Samtang, ginpahayag man ni Mabilog nga mahatag sang P500, 000 ang city government para sa mga na-apektuhan sa nagapadayon nga kinagamo sa Marawi City.
Suno kay Mayor Jed Patrick Mabilog, masulat siya bwas sa city council agud magpasar sang resolution tuhoy sa financial aid nga ihatag sang city government paagi sa Department of Social Welfare and Development ukon DSWD. (AGB)