Pagsakripisyo sang mga soldado sa Marawi City, ginkilala ni Gov. Arthur Defensor sa ika-119 nga Philippine Independence Day
Sta. Barbara, Iloilo–Gintalupangod ni Governor Athur Defensor ang pagsakripisyo sang mga soldado sa kinagamo sa Marawi City
Sa iya nga speech sa 119th Philippine Independence Day celebration sa Sta Barbara kaina, ginakabig sang gobernador ang mga soldado nga biktima sang kawsa nga may madalom nga rason. Ginmitlang sang gobernador ang mga Ilonggo nga soldado nga nalakip sa inaway–sanday PFC Anthony Capulot sang Igcadios, Leon kag Sgt. Simeon Plares Jr sang Ubang, Pototan nga napatay kag si Sgt. Joe Lebuna sang Bagongbong, Lambunao nga isa sa mga pilason.
Nagalaum si Defensor nga magpabilin nga tampad sa serbisyo ang mga suldado kag kapulisan kag padayon sa pagproteher sa pungsod. (AGB)