ArchivesLokal

SULTERITO SA BINGAWAN, NAG-ALEGAR NGA GINMOLESTIYAHAN NA, NATIRUHAN PA SANG MAGBAYAW NGA UPOD NIYA SA SIMBAHAN

Bingawan, Iloilo–Nagreklamo ang solterito nga ginmolestyahan siya antes natiruhan kagab-i.

Padayon nga ginabulong sa ospital si alyas Toto, 17-anyos. Base sa pag-imbestigar sang Bingawan police sa pagpanguna ni PINSP Ramil Jacaba, nagkadto si Toto sa balay sang magbayaw nga Hernan Alasan, 60-anyos, kag Fernando Tormon, 66-anyos kag nag-inom-inom.

Ginpahayag nga naabtan ni Alasan si Tormon kag ang solterito nga may ginahimo nga kabastusan gani ginkastigo sini ang iya bayaw. Pero sang nagtuyo magpalagyo ang solterito, gintiro siya ni Alasan gamit ang 12-gauge shotgun kag naigo sa likod.

Sa alegasyon naman ni Toto, ginmolestyahan siya ni Tormon gani naka-brief lang sang nagdalagan paguwa sa balay. Si Toto ang choir member sa simbahan sa Bingawan samtang nagabulig-bulig ang magbayaw sa simbahan.

Preso na sanday Alasan kag Tormon sa Bingawan Police Station. (AGB)

Leave a Reply