ArchivesLokal

(UPDATE) Subject nga nakapalagyo sa buy bust operation sa City Proper, nagsurrender

Iloilo City–Nagsurrender sa Police Station 1 si Joseph Jasper Duran sang Divinagracia, Lapaz, ang subject sang buy bust operation sa Tanza Baybay, City Proper sang nagligad nga semana nga nakapalagyo.

Kaupod ni Duran nga nagkadto sa police station ang iya asawa nga bag-o lang nag-abot halin sa abroad. Una na nga nadakpan sa follow-up operation si Niña Peranda, 23-anyos nga gintudlo kaupod ni Duran sa operasyon.

Madumduman, 16 ka plastic sachets sang suspected shabu ang narecover sa  sulod sang salakyan ni Duran nga iya ginbilin sa gasolinahan sa Mabini-Ledesma, City Proper. May nakita man nga mga drug paraphernalia kag empty sachets sang suspected shabu sa balay ni Duran sang gin-check sang mga pulis. (AGB)

Leave a Reply