PRO-6, nag-apelar publiko nga mangin alerto para indi malutsan sang terorismo

Naga-apelar si Police Regional Office 6 Director PCSUPT Cesar Hawthorne Binag sa publiko nga mangin alerto kasunod sang pag-atake sang ISIS-inspired nga Maute group sa Marawi City.

Gina-engganyo ni PRO 6 Spokesperson PSUPT Gilbert Gorero ang mga pumuluyo nga gilayon magreport kon may masiplatan nga makaduluda nga tawo sa ila area. Nagpasalamat si Gorero nga nagasuporta sa ila ang Muslim community sa Western Visayas.

May mga Muslim na nga nagpatupling sa Negros Island Region halin sa Mindanao kasunod sang inaway sa Marawi.

Ginpahayag ni Gorero nga malikawan lang ang kapareho nga sitwasyon sa Marawi kon naka-alerto kag naga-kooperar ang tanan. (AGB)