‘I-report gilayon’
Iloilo City–Kinahanglan ang involvement sang komunidad agud malikawan ang posibilidad sang terrorist attack sa syudad.
Ginahingyo ni Iloilo City Police Office (ICPO) Director PSSUPT Remus Zacharias Canieso ang mga pumuluyo ilabe na sa coastal areas nga i-report gilayon sa mga pulis kon may makaduluda nga mga tawo sa ila barangay. Gin-identify ni Canieso ang Mohon, Arevalo; Hibao-an, Mandurriao; Sambag, Bito-on kag Quintin Salas sa Jaro; North Fundidor kag East Baluarte sa Molo kag Baldoza, Lapaz nga posible entry kag exit points sang mga terorista.
Nagsapol kaina sang hapon ang mga punong barangays upod kay Canieso agud preparahan nga indi matabu sa syudad ang natabu sa Marawi City nga gin-atake sang local terrorist group nga Maute. (AGB)