JANIUAY MAYOR JOJO DE PAULA NAGPAUTWAS SANG HIBUBUN-OT MATAPOS SIYA NAKASTIGUHAN KAG NAPASAKAAN PA SANG KASU BANGUD SA GINPAHAYAG PAGPINALUPOK SANG PUSIL SA INLAND RESORT SA MAASIN

Municipality of Janiuay – Nagpa-utwas sang hibubun-ot si Janiuay Mayor Jojo De Paula sa orientation sang Community Service Oriented Policing System sang National Police Commisison kaupok ang mga local cheif executives kag chiefs of police sa probinsya kahapon.

Kasunod ini sang pagpasaka sang kasu nga attempted homicide kag illegal possession of firearm batuk sa iya. Ginpanindugan ni De Paula nga indi away ang iya ginkadto sa Villa Teresita Inland Resort sa Brgy. Tubang, Maasin sang Hunyo 2 kundi pagselebrar kaupod ang iya mga basketball players.

Gintudlo si De Paula nga amo ang nagpalupok sang pusil sa diin may naigo nga 20-anyos nga lalaki. Masakit pamatian suno kay De Paula nga angin kaladlawan siya bangud siya lang ang mayor nga nabakulan pero siya pa ang gin-aresto.

Gin-hospital arrest ang alkalde bangud nasamaran sang ginbululigan nga makuha ang iya pusil pero nakapiyansa siya.

(ATT)