ICPO DIRECTOR REMUS ZACHARIAS CANIESO GIN-ENGGANYO ANG MGA PUMULUYO ILABI SA MGA COASTAL AREAS NGA MAGKOOPERAR AGUD INDI MAKALUSOT ANG MGA TERORISTA, PILA KA MGA ENTRY KAG EXIT POINTS GIN-IDENTIFY

Iloilo City – Gin-engganyo ni Iloilo City Police Office Director Remus Zacharias Canieso ang mga pumuluyo ilabe na sa coastal areas nga magkooperar agud indi makalusot sa syudad ang mga terorista.

Sa security briefing ni Canieso sa mga city councilors kaupod ang mga punong barangay sa coastal areas kahapon, ginpabutyag sini nga importante ang involvement sang mga pumuluyo agud malikawan ang posibilidad sang terrorist attack pareho sang natabu sa Marawi City.

Ginlaygayan ni Canieso ang publiko nga gilayon magreport sa mga otoridad kon may masiplatan nga makaduluda nga mga tawo sa ila barangay.

Gin-identify ni Canieso nga posible entry kag exit points sang mga terorista ang Mohon sa Arevalo, Hibao-an sa Mandurriao, Sambag, Bito-on kag Quintin Salas sa Jaro, North Fundidor kag East Baluarte sa Molo kag Baldoza sa Lapaz.

(ATT)