(UPDATE) Akusasyon ni former Concepcion SB Member Sanny Boy Salcedo nga ginpahug siya, ginkadlawan lang sang hepe sang Pavia Police Station

Iloilo–Ginkadlawan lang ni PCINSP Jonathan Pinuela, hepe sang Pavia Police Station kag anay hepe sang Concepcion Police Station, ang akusasyon ni former Concepcion SB Member Sandy Boy Salcedo nga ginpahug siya.

Suno kay Pinuela, wala sang rason nga pahugon niya si Salcedo bangud preso na siya matapos nadakpan sa buy bust operation sang damlag lang sa Pavia. Gintawag niya nga kabutigan ang akusasyon sang anay SB member.

Una na ginpahayag ni Salcedo nga gindumtan siya ni Pinuela sang siya pa ang hepe sa Pavia Police Station, ginbutang ang iya pangalan sa drug watchlist kag gin-angut pa kay the late PDEA 6 identified drug group leader Melvin Odicta. Gin-ako ni Salcedo nga kilala niya si Odicta bangud siya ang nagbulig sang una sa ila pamilya sang napreso ang iya amay nga si the late board member Sandy Salcedo. (AGB)