Lapaz kag Arevalo public markets, plano ipa-rehabilitate
Iloilo City–Ginproponer ni lone district of Iloilo City Congressman Jerry Treñas ang pag-rehabilitate sang Lapaz kag Arevalo public markets.
Suno kay Treñas nagapadayon pa ang evaluation sang Department of Public Works and Highways ukon DPWH ang plano para sa rehabilitasyon sang duha ka merkado publiko sa siyudad. Kun maaprubahan, ang DPWH ang magapondo sa proyekto.
Sa pamangkot kun ngaa Lapaz kag Arevalo markets kag indi terminal kag central markets ang ginhatagan prioridad sa pagpakay-o, ginrason ni Treñas nga may plano na ang city government para sa duha ka merkado sa city proper. (AGB)