January 25, 2022

(UPDATE) Mga soldado nga gindeploy sa Mindanao, samo ang balatyagon sa send-off ceremony

Read Time:1 Minute, 3 Second

Iloilo–Wala napunggan sang mga suldado kag ila pamilya ang pagtulo sang ila luha sa send off ceremony para sa mga miembro sang 82nd Infantry Battalion nga gindeploy sa Marawi City kaina sang aga.

Nangin emotional ang mga ini samtang nagahulat sang C-130 plane nga magakarga sa ila padulong sa Laguindingan Airport sa Misamis Oriental antes magdiretso sa Marawi. Alas-4 pa lang sang kaagahon, yara na sa paluparan ang mga suldado kag ila pamilya kag las-9 sang aga, lubos nga naglupad ang mga suldado nga miembro sang 82nd ‘Bantay Laya’ Battalion nga nakabase sa Camp Monteclaro sa Miag-ao.

428 ka suldado, kadam-an mga Ilonggo, ang ginpadala sang 82nd IB—19 dire mga opisyal kag 409 ka enlisted personnel. Magadepende suno kay Lt. Colonel Vener Morga, battalion commander sang 82nd IB sa sitwasyon sa Marawi ang pagbalik sang mga suldado sa Iloilo. Gin-ako ni Morga nga magluwas sa training kag pangamuyo, may balon nga anting-anting ang mga suldado.

Nagapadulong naman sa Iloilo ang mga suldado nga magabulos sa 82nd IB. Magabulos sa ila ang reconnaissance company halin sa Negros Islan Region kag nakahanda man ang combat troops nga gin-organisar sang 61st IB sa Tapaz, Capiz nga magapadayon sa mga obligasyon sang 82nd IB. (AGB)

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Lapaz kag Arevalo public markets, plano ipa-rehabilitate
Next post Maasin Police Station, gin-atake sang NPA