Ginapatihan Maute members nga sakay sang barko nga nagdungka sa Iloilo port halin sa Cagayan de Oro City, gin-hold sang Phil. Coast Guard
Iloilo City — Ginapatihan miembro sang Maute Group ang tatlo ka sakay sang barko nga nagdungka sa Fort San Pedro sa Iloilo kahapon sang hapon. Suno kay Lieutenant Senior Grade Edison Diaz sang Philippine Coast Guard, una na sila nga ginpabalo sang Coast Guard Iloilo- Northern Mindanao nga may tatlo ka terorista halin sa Cagayan De Oro nga tuyo magkadto sa Iloilo. Ginpahayag nakilala ang mga subjects rasun gin-hold sila. Ginkilala ang tatlo nga sanday Farida Romato, iya utod nga si Al Jadid Romato kag nobyo ni Farida nga si Abdulrahman Demacota. Nakuha sa mga natungdan ang ila personal nga mga gamit, IDs kag cellphone. Nagpanginwala ang tatlo nga miembro sila sang Maute group apang nag-ako si Farida nga himata niya ang mga Maute brothers. (JoMaque)