ArchivesLokal

PRO 6 DRDO Christopher Tambungan, nanindugan nga wala siya nagkulang sa pahanumdom sa mga police stations nga mangin alerto sa tanan nga oras

Iloilo City — Daw ginlabu sa bato ang tanan nga paandam ni Police Regional Office 6 Deputy Regional Director for Operations Christopher Tambungan sa iya inspection sa mga police stations.

Ginpanindugan ni tambungan nga wala siya nagkulang sa pahanumdom sa mga police stations nga mangin alerto kag maghanda sa tanan nga oras gani wala niya napunggan nga maakig bangud nalutsan ang Maasin Police Station sang ginlusob sang New People’s Army sang Domingo (Hunyo 18).  Sa pagkamatuod, magluwas nga naka-alerto ang Philippine National Police bangud sa martial law nga gindeklarar ni Presidente Rodrigo Duterte sa Mindanao, nagpaguwa man ang PRO 6 sang listahan sang mga police stations nga prone sa pag-atake sang mga rebelde.

Ginrelieve ang tanan nga personnel sang maasin police station kag ginpareport sa regional headquarters agud magpa-athag kasunod sang natabu.  Naiguan man sang one-strike policy sang PNP si Iloilo Police Provincial Office Director Senior Supt. Harold Tuzon kag gindesignar si Tambungan nga temporaryo nga caretaker. (JoMaque)

Leave a Reply