ArchivesLokal

(UPDATE) 3 ka suspected Maute terrorists nga ginhold sa Iloilo Port, ginbalik sa Cagayan De Oro!

Iloilo–Ginbalik sa Cagayan De Oro City ang tatlo ka suspected Maute terrorists nga gin-hold malapit sa puerto sang Iloilo kahapon.

Alas-5 kaina sang kaagahon sang gindul-ong sa Iloilo International Airport ang tatlo ka suspected terrorists kag ginpasakay sa eroplano sang coastguard agud mabalik sa CDO santu man sa request sang CDO Coastguard.

Ginkilala ang tatlo kanday Farida Romato nga nag-ako nga paryente sang mga Maute, manghod sini nga si Al Jadid Romato kag nobyo niya nga si Abdul Rahman Dimacuta. Si Farida ginpahayag may arrest warrant sa CDO sa kaso nga rebellion.

Suno kay Lt. Senior Grade Edison Diaz sang Coastguard-Iloilo, sa CDO imbestigaran ang tatlo bangud didto ang sila naga-operate.

Suno pa kay Diaz, wala sang intensyon nga magtenir sa Iloilo ang tatlo kag natabuan lang nga naghapit sa Iloilo ang barko nga ila ginsakyan padulong sa Manila. (AGB)

 

Leave a Reply